Құрылтай депутаттарының сайлауы: ОСК сайлау рәсімдеріне арналған құжаттардың нысандарын бекітті

Қазақстан Республикасының «Қазақстан Республикасындағы сайлау туралы» Конституциялық заңына сәйкес партиялық тізімдерді ұсыну және тіркеу, сенім білдірілген адамдарды тіркеу, сайлаушылар тізімдерін жасау, дауыс беруді ұйымдастыру, дауыс беру нәтижелерін анықтау және сайлау қорытындыларын шығару рәсімдерін қамтитын 21 құжаттың нысаны бекітілді.

Бекітілген нысандар барлық сайлау комиссияларының сайлау рәсімдерін бірыңғай рәсімдеуін және сайлау науқанының әрбір кезеңінде Конституциялық заң талаптарының біркелкі қолданылуын қамтамасыз етеді.

Қаулы қабылданғаннан кейін сайлау құжаттарының нысандары Орталық сайлау комиссиясының ресми интернет-ресурсында орналастырылады.

«Бекітілген құжаттардың нысандары партиялық тізімдерді ұсынудан бастап сайлау қорытындыларын айқындауға дейінгі барлық сайлау процесін қамтиды. Бұл сайлау комиссияларының сайлау рәсімдерін жүргізуде бірыңғай тәсілді қамтамасыз етуіне және Конституциялық заң талаптарының сақталуына мүмкіндік береді», деп атап өтті Қазақстан Республикасы Орталық сайлау комиссиясының мүшесі Азамат Айманақұмов.