Құрылтай сайлауы күні Астанадағы қоғамдық көлік жолаушыларды тегін тасымалдайды

АСТАНА, 17 тамыз – Sputnik. Құрылтай сайлауы күні Астанадағы қоғамдық көлік тегін болады деп хабарлады City Transportation System оператор компаниясы.

"23 тамызда, Қазақстан Республикасы Құрылтайының депутаттарын сайлау күні Астанадағы қоғамдық көлік тегін болады", - деп жазылған мәлімдемеде.

Тегін көлік келесі жағдайларда қолданылады:

Tarlan Astana жеңіл рельсті көлік жүйесінде;

қалалық бағыттарда;

экспресс бағыттарда;

қала маңындағы бағыттарда.

"Бұл шара қоғамдық көліктің ыңғайлылығын қамтамасыз етуге және сайлау учаскелеріне қолжетімділікті арттыруға бағытталған", - дейді компанияда.

Компания жолаушылардан "сапарларын жоспарлаған кезде осы ақпаратты ескеруді" сұрады.