Қырғызстан ҰҚМК бұрынғы басшысы үкім шыққаннан кейін бір күн өткен соң көпшілік алдына шықты

Қырғызстан Мемлекеттік ұлттық қауіпсіздік комитетінің (ҰҚМК) бұрынғы төрағасы, билікті күшпен басып алуға дайындық ісі бойынша сотталған Қамшыбек Тәшиев жұмада кешке ел Премьер-лигасының "Мұрас Юнайтед" пен "Азиягол" командалары арасындағы матчіне барды, - деп хабарлайды Tengrinews.kz тілшісі 24.kg-ге сілтеме жасап.

Ойын Манас қаласындағы "Құрманбек" стадионында өтті.

Әлеуметтік желілерде жарияланған кадрлардан Тәшиевтің жанкүйерлер арасымен жүріп, VIP-трибунаға өткенін көруге болады.

Instagram-дағы бұл жарияланымды көру

ҚЫРҒЫЗСТАН ЖАҢАЛЫҚТАРЫ (@24_kg) жарияланымы

Еске салайық, Бішкектің Бірінші май аудандық соты Қырғызстан Мемлекеттік ұлттық қауіпсіздік комитетінің бұрынғы төрағасы Қамшыбек Тәшиев фигурант болған "75-тің хаты" деп аталатын іс бойынша үкімге түсініктеме берді.

"Билікті күшпен басып алу" бабы бойынша Тәшиев пен істің басқа да фигуранттары кінәлі деп танылып, мүлкі тәркілене отырып, төрт жылға бас бостандығынан айыру жазасына кесілді.

Тағайындалған мерзімге қарамастан, сот сотталғандарды жазасын өтеуден босатып, оны үш жылдық пробациялық бақылаумен алмастырды. Осылайша, Тәшиев пен істің өзге қатысушылары нақты түрме жазасын өтемейді.

Google News арқылы жаңалықтарымызды қадағалаңыз