Қырғызстандағы күштік құрылымдарды тазарту ҰҚК мен ІІМ мәлімдеме жасады

Қырғызстанда құқық қорғау органдарының жосықсыз қызметкерлерін анықтау және жазалау бойынша ауқымды жұмыстар жалғасып жатыр. Бұл туралы МҰҚК төрағасы Жұмғалбек Шабданбеков мәлімдеді, - деп хабарлайды Tengrinews.kz тілшісі 24.kg-ге сілтеме жасап.

Қырғызстанда құқық қорғау органдарының жосықсыз қызметкерлерін анықтау және жазалау бойынша ауқымды жұмыстар жалғасып жатыр. Бұл туралы МҰҚК төрағасы Жұмғалбек Шабданбеков мәлімдеді, - деп хабарлайды Tengrinews.kz тілшісі 24.kg-ге сілтеме жасап.

МҰҚК басшысының айтуынша, іс-шаралар ІІМ және прокуратурамен бірлесіп, тұрақты негізде жүргізіліп жатыр. Күш құрылымдары қызметкерлері арасындағы сыбайлас жемқорлық, лауазымын асыра пайдалану және криминалдық ортадағы байланыстармен күресу басты міндет болып қала бермек.

Арнайы қызмет ведомствоаралық текетірес туралы сөз болып отырмағанын атап өтті. Барлық іс-қимыл бірыңғай мемлекеттік саясат аясында үйлестіріледі.

Сондай-ақ ведомство мәліметінше, құрылымдар арасындағы қақтығыстар туралы тараған ақпарат шындыққа жанаспайды.

Шабданбеков лауазымына қарамастан, барлық заңбұзушылардың жауапқа тартылатынын баса айтты.

Ол қызметкерлердің басым бөлігі өз жұмысын адал атқаратынын, ал жүргізіліп жатқан науқан соның ішінде олардың беделін қорғауға және қоғамның сенімін арттыруға бағытталғанын қоса айтты.

Қырғызстанның Ішкі істер министрлігі де құқық қорғау органдары арасындағы келіспеушіліктер туралы хабарламаларды теріске шығарды. Ведомство барлық құрылымның үйлесімді жұмыс істейтінін, ал сыбайлас жемқорлықпен күрес жүйелі түрде және қатаң заң аясында жүргізіліп жатқанын мәлімдеді.

ІІМ мәліметінше, жедел-тергеу амалдары МҰҚК, полиция және прокуратураның бірлескен жұмысының нәтижесі болып табылады.

Министрлікте мәртебесі мен ведомстволық тиесілігіне қарамастан жазаның бұлжымастығы басты қағида екенін атап өтті.

Күш құрылымдарының басты мақсаты - мемлекеттік институттарды тазарту және азаматтардың сенімін нығайту.

10 ақпанда Қырғызстан президенті Садыр Жапаров өзінің досы әрі серіктесі Қамшыбек Тәшиевті барлық лауазымынан босатты.

Қырғызстан басшысының баспасөз қызметі мәліметінше, "бұл қадамның басты мақсаты - мемлекет бірлігін нығайту және қоғамдағы, соның ішінде мемлекеттік құрылымдар арасындағы іріткіге жол бермеу". Бұл оқиға Қырғызстан президентіне мерзімінен бұрын сайлау өткізу туралы өтініш жасалған тұста болды. Жапаровтың баспасөз хатшысының айтуынша, Тәшиевтің жақын ортасындағы адамдар депутаттарға қоңырау шалып, оларды "генералдың жағына шығуға" және "президенттің жаңа сайлауын бастауға" үгіттеген.

Ташиевтің отставкасынан кейін күштік блок қайта құрылымдалды: оның орынбасарлары қызметінен айырылды, Шекара қызметі МҰҚК құрылымынан шығарылды, сондай-ақ тікелей президентке бағынатын жаңа Мемлекеттік күзет қызметі құрылды.