Қысқы Олимпиада 2026: Моңғолия құрамасының формасында Ұлы империя дәуірінің рухы жаңғырды

Киім үлгілерін «Гоёл кашемир» компаниясының дизайнерлері мен тігіншілері әзірлеген.

Дәстүрлі моңғол киімі — дээлді заманауи спорттық эстетикамен жай ғана үйлестірудің орнына, компания көне моңғол киімінің түпнұсқа мұрасын қайта жаңғыртып, оны әлемге танытуды мақсат еткен.

Фото: montsame

Бұл киімдер елдің ұлы тарихы мен мәдени болмысының ажырамас бөлігі болатын көне дәстүрді бейнелейді.

Фото: montsame

Дизайн Ұлы Моңғол империясы дәуіріндегі (XIII–XV ғасырлар) киім үлгілерінен шабыт алған. 

Фото: montsame Фото:montsame

Бұл кезең Моңғолия тарихындағы ең қуатты әрі ықпалды дәуір ретінде саналады. 

Фото: montsame

Дәстүрлі пішін мен символиканы сақтай отырып, заманауи форма өткеннің сұлулығын бүгінгі күннің функционалдығымен ұштастырады. Жұмсақ әрі жылы моңғол кашемирінен тігілген мата нәзік жібекпен және жабайы жануарлардың мүйізінен шабыт алған дәстүрлі кестелермен безендірілген. Бұл өрнектер күш-қуаттың, төзімділіктің және рухани бірліктің нышаны.

Фото: montsame

Ғасырлар бойы Моңғолия көшпенділерін қатаң қысқы суықтан қорғап келген кашемир бұрын ақсүйектердің салтанатты және рәсімдік киімдерінде қолданылған. 

Фото: montsame

Бүгінде ол Олимпиада құрамасының салтанатты формасының ғана емес, сондай-ақ жоғары технологиялы спорттық киімдердің де негізгі материалына айналды.

Фото: montsame Фото: montsame

Оның жылу сақтағыш қасиеті мен эстетикалық талғампаздығы батыс сән индустриясында кеңінен мойындалды. Жаңа дизайнда дәстүрлі кашемир киіз үй сәулеті мен көшпенділердің тұрмыстық нақыштарынан алынған өрнектермен үйлесім тапқан.

Фото: montsame Фото: montsame

Моңғолия ұлттық құрамасы 2026 жылғы Қысқы Олимпиада ойындарының ашылу және жабылу салтанаттарына көне мұраны заманауи дизайнмен тоғыстырған ерекше киіммен шығады.

Айта кетелік Моңғолия Президенті Астанада өткен Silk Way Star байқауының жеңімпазын марапаттағаны туралы жазған едік.