Қытайда 11 адам өлім жазасына кесілді

Олар – Мин деп аталатын ұйымдасқан топтың мүшелері. 2023 жылы Мьянма аумағында ұсталған күдіктілерге қатысты сот үкімі былтыр күзде шыққан.

23 адамның 11-і өлім жазасына кесілсе, қалғаны өмір бойына бас бостандығынан айырылды. Тергеу нәтижесі көрсеткендей, сотталғандар заңсыз ойын бизнесімен айналысып, сall-орталықтар арқылы алаяқтық жасаған. Қаскөйлердің тұзағына түскен, қытайлықтар 1 млрд 400 млн доллар жоғалтқан. Қомақты қаржысынан қағылғандардың арасында өз-өзіне қол жұмсаған деректер де бар. Кейінгі жылдары алаяқтар айылын жияр емес. БҰҰ-ның дерегі бойынша, былтыр әлемде қаскөйлердің кесірінен 37 млрд доллар шығын келді. Қытайда мұндай қылмыстық іс бойынша алғаш рет өлім жазасы кесіліп отыр.