Қытайда тамақ жеткізу платформаларына 3,6 млрд юань айыппұл салынды

Қытайдың Нарықты реттеу жөніндегі мемлекеттік басқармасы елдегі жеті ірі электрондық коммерция платформасына тамақ жеткізу саласындағы «елес мейрамханаларға» қатысты істер мен азық-түлік қауіпсіздігі талаптарын бұзғаны үшін жалпы сомасы 3,597 млрд юань (шамамен 524 млн АҚШ доллары) көлемінде айыппұл салды.

Реттеуші органның мәліметінше, әкімшілік жаза Pinduoduo, Meituan, JD.com, Ele.me (қазіргі атауы Taobao Flash Sale), Douyin, Taobao және Tmall компанияларына қатысты қолданылған.

Аталған компанияларға заңбұзушылықтарды жою тапсырылып, 3 айдан 9 айға дейін жаңа кондитерлік нысандарды қосуға тыйым салынды.

Сонымен қатар, азық-түлік қауіпсіздігіне жауапты заңды өкілдер мен басшылар өз міндеттерін тиісінше орындамағаны үшін жалпы сомасы 19,7 млн юань айыппұл төлеуге міндеттелді.

Тергеу барысында платформалардың жеткізушілердің лицензияларын тиісті деңгейде тексермегені, осылайша олардың біліктілігін растау жөніндегі заң талабын бұзғаны анықталған.

Бұдан бөлек, бұл компаниялар тұтынушылардың заңды құқықтары мен мүдделеріне зиян келуі мүмкін екенін біле тұра, тапсырыстарды бір-біріне беру туралы келісімдер жасаған.

Реттеуші органның мәліметінше, тексеру басталғаннан кейін барлық заңсыз «елес мейрамханалар» платформалардан жойылып, тапсырыстарды беру бойынша ынтымақтастық тоқтатылған.

Осыған дейін Қытайда тағы 12 банк цифрлық юань жүйесіне қосылғанын жаздық.