Қытайда тағы 12 банк цифрлық юань жүйесіне қосылды

— Бұл қадам цифрлық валютаны тұрақты дамытуға, оның қызметтерін қолжетімділігін арттыруға және қоғамның цифрлық юань арқылы қауіпсіз, ыңғайлы әрі тиімді қызметке деген сұранысын қанағаттандыруға бағытталған, — делінген Орталық банк хабарламасында.

Жаңа қатысушылар қатарында China CITIC Bank, China Everbright Bank, Huaxia Bank және China Minsheng Bank бар, олар орталық банкінің цифрлық юань жүйесіне қосылады.

Олар операциялық және техникалық дайындық аяқталған соң, юаньда цифрлық қызметтерді ұсына бастайды.

Орталық банк мәліметінше, ұйым операторлардың санын жүйелі түрде көбейтіп, барлық нарық субъектілерінің белсенділігін және шығармашылық бастамасын ынталандыруды көздеп отыр.

Осыған дейін Қытайда электрондық юань жүйесіне 10 уәкілетті оператор қосылған болатын, оның ішінде 6 мемлекеттік коммерциялық банк, 2 акциялық коммерциялық банк және 2 интернет-банк бар.

Бұдан бұрын Қазақстаннан Қытайға ақша аударымдары рекордтық минимумға дейін төмендегені айтылды.