Қытай цифрлық юань бағдарламасын кеңейтіп, оған 12 жаңа банкті қосты

Reuters хабарламасына сүйенген Aikyn.kz цифрлық юань қалай жұмыс істейтінін түсіндіреді.

Қытайдың орталық банкі цифрлық юань бағдарламасын кеңейтіп, оператор ретінде тағы 12 банкті қосты. Цифрлық юаньмен жұмыс істеуге рұқсат алған 12 жаңа банктің қатарына China CITIC Bank, China Everbright Bank, China Guangfa Bank, Shanghai Pudong Development Bank кіреді. Бұл туралы Қытай Халық банкінің мәлімдемесінде айтылды.

Банктің мәлімдеуінше, бұл қадам «цифрлық юань қызметтерінің қолжетімділігін арттыруға» және халықтың «қауіпсіз, ыңғайлы және тиімді» төлем тәсілдеріне деген сұранысын қанағаттандыруға бағытталған.

Бейсенбі күні (2-сәуір) жасалған бұл хабарлама цифрлық юаньмен жұмыс істеуге уәкілетті банктердің санын 22-ге жеткізді.

2019 жылы іске қосылған сәттен бастап Бейжіңде цифрлық юаньды нақты экономикаға енгізу баяу жүріп келеді. Себебі бөлшек сауда тұтынушыларының басым бөлігі Alibaba-ның Alipay және Tencent Holdings-тің WeChat Pay секілді платформалары арқылы онсыз да қауіпсіз әрі арзан транзакциялар жасай алады. Бұл саясат Қытайдың виртуалды валюталарға қарсы қысымды күшейтіп, стейблкоиндерге тыйым салуы аясында жүзеге асырылып жатыр. Бұл жағдай АҚШ-пен айқын қарама-қайшылықты көрсетеді. Өйткені президент Дональд Трамп криптовалюталарды қолдап, цифрлық долларға тыйым салған.

«Орталық банк нарыққа бағдарланған қағидаттар мен заң үстемдігі қағидаттарына сәйкес жұмыс істейтін мекемелер санын біртіндеп кеңейтуді жалғастырады», – деп мәлімдеді Қытай Халық банкі. 

Сондай-ақ банк цифрлық валютаны дамыту үшін «ашық, инклюзивті және әділ бәсекелі орта» қалыптастыруға ұмтылатынын айтады.