Телефон нөмірі арқылы аударым: жүйеге тағы 3 банк қосылды

Қазақстанда банкаралық мобильді төлемдер жүйесіне тағы үш банк қосылды.
Бұл туралы Қазақстанның ұлттық төлем корпорациясы хабарлады. Енді жүйеге KMF Bank, Еуразиялық банк және Bereke Bank қосылды. Осылайша, банкаралық жедел төлем жүйесіне қатысатын екінші деңгейлі банктердің саны 12-ге жетті.

Бұған дейін жүйеде Freedom Bank, Bank RBK, Halyk Bank, Altyn Bank, Банк ЦентрКредит, Home Credit Bank Kazakhstan, ForteBank және Alatau City Bank болған.

Жаңа жүйе арқылы клиенттер ақша аудару үшін банк шотының реквизиттерін енгізбейді. Тек алушының телефон нөмірін таңдап, мобильді қосымшада операцияны растау жеткілікті.

Банкаралық жедел төлем жүйесі телефон нөмірі немесе QR арқылы нақты уақыт режимінде төлем жасауға мүмкіндік береді. Бұл жоба елдегі цифрлық қаржы инфрақұрылымын дамытуға бағытталған. Қазір кейбір банктер жүйеге қосылу үшін тестілеу және техникалық интеграция кезеңінен өтіп жатыр.