Қытайдан келген картоп: жеткізу көлемі 116 есе артқан

«Геостатистика» телеграм-арнасының мәліметінше, 2025 жылдың қаңтар-қараша айларында елімізге 204,3 мың тонна картоп жеткізілген. Бұл өткен жылдың сәйкес кезеңімен салыстырғанда 2,9 есе көп.

Импорттың күрт өсуіне Қытай Халық Республикасы негізгі себепкер болды. Қытайдан Қазақстанға картоп жеткізу көлемі 116,9 есеге артып, 137,7 мың тоннаға жеткен. Осылайша, елімізге сырттан келетін картоптың жартысынан астамы Қытайдың үлесіне тиіп отыр.

Қытайдан бөлек 2025 жылдың 11 айында Қазақстанға картоп экспорттаған ірі елдердің тізімі төмендегідей:

Пәкістан — 42,7 мың тонна;Ресей — 8,1 мың тонна (жеткізілім көлемі 6,6 есе азайған);Иран — 7,1 мың тонна (24,3 есе өсім);Моңғолия — 1,2 мың тонна;Ұлыбритания — 1 мың тонна.

Сарапшылардың пікірінше, импорттың мұндай қарқынмен өсуі маусымдық факторларға, логистикалық жағдайларға және қалыптасқан нарықтар мен жаңа сыртқы нарықтар арасындағы жеткізілім тізбегінің қайта бөлінуіне байланысты болуы мүмкін.

Бүгін, 17:03