Ресей мен Қазақстан 30 дан астам бірлескен жобаны жүзеге асыруды жоспарлап отыр

АСТАНА, 12 қараша – Sputnik. Оралда ХХІ Қазақстан-Ресей аймақаралық ынтымақтастық форумы кешеден бері жалғасып жатыр.

Екі елдің шенеуніктері, кәсіпкерлері және қоғам қайраткерлері Оралдағы бірыңғай диалог алаңында бас қосты.

Іс-шарада Қазақстанның сауда және интеграция министрі Арман Шаққалиев форум ынтымақтастықтың негізгі бағыттары бойынша ынтымақтастықты нығайтатын тиімді диалог алаңы болғанын айтты.

© Sputnik / Санат ИмангалиевОралда ХХІ Қазақстан-Ресей аймақаралық ынтымақтастық форумы жалғасып жатыр

Оралда ХХІ Қазақстан-Ресей аймақаралық ынтымақтастық форумы жалғасып жатыр

© Sputnik / Санат Имангалиев

"Форумда жаңа мүмкіндіктер ашылып жатыр, экономикадан бастап мәдени байланыстарға дейінгі қарым-қатынастың барлық саласын қамтиды. Өйткені форумның басты тақырыбы - "Еңбек мамандықтары. Экономикалық өсімнің қозғаушы күші".Бұл жерде озық технологиялық кәсіпорындарды көріп отырмыз", - деді министр брифингте.

Форумда белгілі болғандай, Ресей Қазақстанның негізгі стратегиялық серіктесі болып табылады. Соңғы бес жылда сауда айналымы 50%-дан астамға өскен. 2024 жылдың соңына қарай ол 28 миллиард доллардан асты.

© Sputnik / Санат ИмангалиевҚазақстанның сауда және интеграция министрі Арман Шаққалиев

Қазақстанның сауда және интеграция министрі Арман Шаққалиев

© Sputnik / Санат Имангалиев

"Біздің алдымызда жақын арада сауда айналымын 30 миллиард долларға жеткізу деген үлкен мақсат тұр. Бұл форум біздің негізгі бағыттарды көрсетіп, сауда-экономикалық ынтымақтастығымызды кеңейтіп, тереңдете алатынымызды көрсетеді", - деді Шаққалиев.

Қазіргі уақытта ірі бірлескен жобалар жүзеге асырылып жатыр, олардың ішінде 4,4 миллиард долларды қамтитын 14 жоба аяқталды. Алда тағы 30-дан астам жоба бар, олардың жалпы құны 30 миллиард доллардан асады.