Ресейде студендеттерге қарызды жабу үшін соғысқа бару ұсынылған

Ресей технологиялық университетінің студенттеріне қарыздарын жабу үшін «АЖО»-ға (СВО) келісімшартқа отыру ұсынылуда, деп хабарлайды Arasha.kz сайты «Осторожно, новости» телеграм арнасына сілтеме жасап.

РТУ МИРЭА студенттерінің айтуынша, оқу үлгерімі төмен студенттерді оқу бөліміне шақырып, оқудан шығарылуы мүмкін екенін ескертеді. «Осторожно, новости» басылымы өз дереккөздеріне сүйене отырып, осыдан кейін студенттерді арнайы кабинетке жіберетінін, онда оларға «қысым көрсетіліп, келісімшартқа қол қоюды ұсынатынын» хабарлады. Оның орнына оқудағы қарыздарын жауып, бюджеттік негізде оқуға ауыстыруға уәде берген.

Төртінші курс студенттерінің мәлімдеуінше, жоғары оқу орнының әкімшілігі қарыздарды қайта тапсыруға мүмкіндік бермей, бірден оқудан шығару процедурасын бастап кеткен. Студенттердің сөзіне қарағанда, мұндай тәжірибе әсіресе ақпараттық технологиялар институтында белсенді қолданылып жатыр.