Ресейде VPN қолдануды шектеу шаралары дайындалуда

Ресейдің цифрлық даму министрлігі қолданыстағы заңнама аясында VPN қызметін пайдалануды азайтуға бағытталған шараларды іске асырып жатыр. Бұл туралы министр Максут Шадаев ресейлік БАҚ-қа берген түсініктемесінде мәлімдеді, деп хабарлайды АА.

Министрдің айтуынша, ведомство заң талаптарын орындауға міндетті. 

«Бұл жай ғана ұсыныс емес, қабылданған заңдардың талабы. Өкінішке қарай, бірқатар шетелдік платформалармен келісімге келу мүмкін болмады», — деді ол.

Сонымен қатар Шадаев VPN қолданғаны үшін әкімшілік жауапкершілік енгізуге қарсы екенін атап өтті. 

«Біз бұл мәселені пайдаланушылар үшін ең аз салдармен және ауыртпалықпен шешкіміз келеді. Қазіргі талқыланып жатқан шаралар — күрделі компромисс», — деді министр.

Ол сондай-ақ әзірлеушілердің қолжетімділігі, төлем жүйелері және басқа да техникалық нюанстар ескерілетінін айтты.

Бүгін, 12:16