Ресейдегі отын дағдарысы аясында Қазақстанда бензинмен не болады министрдің жауабы

Ресейдің кейбір өңірлеріндегі жанармай бекеттерінде іркілістер болып жатқаны туралы хабарларға қарамастан, Қазақстанда бензин мен дизель отыны тапшылығы күтілмейді. Бұл туралы Мәжіліс кулуарында энергетика министрі Ерлан Ақкенженов мәлімдеді, - деп хабарлайды Tengri Auto.

Ресейдің кейбір өңірлеріндегі жанармай бекеттерінде іркілістер болып жатқаны туралы хабарларға қарамастан, Қазақстанда бензин мен дизель отыны тапшылығы күтілмейді. Бұл туралы Мәжіліс кулуарында энергетика министрі Ерлан Ақкенженов мәлімдеді, - деп хабарлайды Tengri Auto.

Журналистер Ресейдегі бензин тапшылығына қатысты жағдай Қазақстанның ішкі нарығына әсер етуі мүмкін бе деген сұрақ қойды.

Ақкенженовтің айтуынша, отынның қазіргі қоры ішкі нарықты тұрақты қамтамасыз етуге жеткілікті.

"Бүгінде бізде 36 күнге жететін бензин мен дизель отынының қоры бар. Бұл тапшылық мәселесі туындамайтынын сеніммен түрде айтуға мүмкіндік береді. Біз бұған дайындалдық", - деді министр.

Ол биліктің бірнеше жылдан бері мұнай өнімдерін тұтынудың маусымдық өсімін ескеріп, демалыс кезеңіне алдын ала дайындалып келе жатқанын атап өтті.

"Үш жылдан бері біз мұндай сұранысқа дайындалып келеміз және Қазақстанда мұнай өнімдерін маусымдық тұтыну артатынын түсінеміз. Сондықтан әрқашан жазғы маусым мен демалыс кезеңіне арнайы дайындаламыз", - деп түсіндірді Энергетика министрлігінің басшысы.

Сонымен қатар Ақкенженов Ресейде мұнай өңдеу кәсіпорындарының жұмысына қатысты тәуекелдер сақталып отырғанын растады.

Оның айтуынша, ресейлік тарап мұнай өңдеу қуаттарына жасалған соққылар салдарымен бетпе-бет келіп отыр, алайда нысандарды қалпына келтіру және олардың қорғанысын күшейту шараларын қабылданып жатқан көрінеді.

"Біз ресейлік әріптестерімізбен тұрақты байланыстамыз, мәселе олардың бақылауында. Дегенмен, оларда іркілістер болуы мүмкін екенін жоққа шығармаймыз, сондықтан бұл мәселелерді бірлесіп шешеміз", - деп түйіндеді министр.

Бұған дейін Энергетика министрлігінің басшысы осы жазда бензин бағасы қаншалықты қымбаттауы мүмкін екенін айтқан болатын.

Google News арқылы жаңалықтарымызды қадағалаңыз