Respublica Кублей зауытының жабылу қаупін алдын алды

Respublica республикалық сайлауалды штабының мүшелері Орал қаласындағы Қазақстандағы ірі ет өңдеу кәсіпорындарының бірі – «Кублей» ЖШС-не барды,  – деп хабарлайды Aikyn.kz. Respublica партиясының баспасөз қызметіне сілтеме жасап.

Қаладағы тұрғын үй құрылысына рұқсат берілуінен бірнеше жыл бойы кәсіпорынның жұмысы тоқтап қалуы туындаған. Сондағы қолданыстағы санитарлық талаптарға сай келмеуі. Бірнеше жылға созылған сол даудың салдарынан кәсіпорын сәйкестік сертификаттарынан айырылды.

2023 жылдың күзінде партия төрағасы Айдарбек Қожаназаров пен тең төраға Динара Шүкіжанова зауытқа барып, кәсіпорын ұжымымен кездесті. Мәселені шешу үшін жергілікті атқарушы органдармен және Үкімет өкілдерімен келіссөздер жүргізілді. Нәтижесінде Денсаулық сақтау министрлігі ұзақ жылдар бойы өз аумағында жұмыс істеп келе жатқан кәсіпорындарға қатысты санитарлық талаптарды қайта қарауға мүмкіндік беретін бұйрық қабылдады. Бұл шешім «Кублейдің» жұмысын сақтап қалуға мүмкіндік беріп қана қоймай, заманауи технологияларды енгізу арқылы басқа да кәсіпорындардың санитарлық-қорғау аймақтарын қайта қарауына жол ашты.

Айдарбек Қожаназаровтың айтуынша, Respublica өз еңбегімен өнім өндіріп, жұмыс орындарын құрып отырған кәсіпкерлерді қорғайды. Партия отандық тауар өндірушілерді қолдауды және адал бизнестің бюрократиялық кедергілерге тап болмауын маңызды міндеттердің бірі деп санайды.

Құрылтай депутаттығына кандидат, Батыс Қазақстан облысы Жәнібек ауданының тумасы Сәкен Карин партияның негізгі ұстанымын атап өтті.

«Заңдар адамдар үшін жұмыс істеуі керек. Несие алсаң – ол қолжетімді болуы тиіс. Дәрігерге барсаң – айлап күтпеуің керек. Студенттер жатақханалары лайықты әрі қауіпсіз өмір сүруге жағдай жасауы қажет. Respublica – нақты істер партиясы. Біз қазақстандықтардың өмірін жақсартатын заңдарды бастамашы етуге дайынбыз», – деді ол.

Кездесу барысында кандидаттар кәсіпорын ұжымына Respublica-ның сайлауалды бағдарламасындағы отандық өндірісті қолдау, салық жүктемесін азайту және кәсіпкерлердің құқықтарын қорғауға бағытталған негізгі ұсыныстарын таныстырды.