Рио де Жанейрода есірткі картельдерімен қақтығыс жүріп жатыр: 60 адам қаза тапты

Бразилия полициясы Рио-де-Жанейроның солтүстік аудандарында «Қызыл команда» есірткі бандысына қарсы ауқымды рейд жүргізуде, деп хабарлайды Arasha.kz.

Билік бұл операцияны тарихтағы ең ірі осындай әрекет деп сипаттайды.

Қылмыстық топқа қарсы шамамен 2,5 мың құқық қорғау органы қызметкері әрекет етуде.

Полиция банды әрекет ететін аудандарға кіргенде атыстар басталған. Бандиттер автомат қаруларынан полицияға оқ атқан, бөгеттер жасап өртеген, тіпті дрондар арқылы жарылғыш заттарды тастағаны хабарланды.

Рио-де-Жанейро бойынша жолдар жабылған.

Рио-де-Жанейро билігі операция нәтижесінде кемінде 64 адамның қаза тапқанын, оның ішінде төрт полиция қызметкері бар екенін мәлімдеді. 80-ден астам адам ұсталды.