Румыния жалақы мен зейнетақы төлеуге қаражат таба алмай отыр еуродепутат

АСТАНА, 4 маусым — Sputnik. Румыния қаржылық банкроттық шегінде тұр және Киевке көмек көрсетуге жұмсалған шығындар салдарынан 1 шілдеден бастап жалақы мен зейнетақы төлей алмайды. Бұл туралы Румыния сенаты мен Еуропарламент депутаты Диана Шошоакэ Санкт-Петербург халықаралық экономикалық форумында журналистерге берген сұхбатында мәлімдеді.

"1 шілдеден бастап бізде жалақы мен зейнетақы төлеуге ақша болмайды. Бірақ біз Зеленскийге беру үшін қарыз алып жатырмыз. Сондықтан Румынияда көптеген адам – әсіресе егде жастағылар мен жастар елдің бұл соғысқа араласпауын қолдайды", - деді Шошоакэ.

Парламент мүшесінің айтуынша, Румыния билігі қарызға батып, өз азаматтарының әлеуметтік міндеттемелерін қысқартуға мәжбүр болып отыр.

"Өте көп адам, бәлкім, Румыния халқының 80%-ы Украинаны қолдағысы келмейді. Қалған 20%-ы қолдауы мүмкін, бірақ олар да көп ақша бөлуді қаламайды, өйткені қазір біз банкроттық жағдайда тұрмыз", - дейді Шошоакэ.