Сайлауда бірде бір учаскеде өрескел заңбұзушылық болған жоқ ІІМ

АСТАНА, 23 тамыз – Sputnik. Құрылтай сайлауы кезінде бірде-бір сайлау учаскесінде қоғамдық тәртіпті өрескел бұзу фактілеріне жол берілген жоқ. Бұл туралы онлайн-телемарафон аясында өткен ОКҚ брифингінде ҚР ІІМ ресми өкілі Шыңғыс Әлекешев мәлімдеді, деп хабарлайды Sputnik Қазақстан.

Оның айтуынша, сайлау комиссияларының, байқаушылардың қауіпсіз жұмыс істеуіне және азаматтардың өз еркін білдіруіне қажетті жағдайлар жасалды.

"Он мыңнан астам сайлау учаскесінің бірде-бірінде қоғамдық тәртіпті өрескел бұзу фактілеріне жол берілген жоқ. Қазіргі уақытта учаскелерде дауыс саналып жатыр. Дауыс беру аяқталғанымен, полиция барлық іс-шара толық аяқталғанға дейін қызмет атқаруын жалғастырады", – деді спикер.

Сайлау құжаттары сайлау комиссияларына қауіпсіз жеткізілді.