Сапалы деңгейге көтереді

Бурабайда өткен Ұлттық құрылтайдың отырысында ішкі саясатқа қатысты тұжырымдамалық құжат әзірлеу қажеттігі туралы идея айтылды. Бұл ұсынысты Мемлекет басшысы Қасым-Жомарт Тоқаев қолдап, сол кезден бері осы құжатты дайындау бағытында бірнеше кездесу өтті.

Сурет: turkystan.kz

Аталған кездесулерге сарапшылар, қоғам белсенділері және ішкі саясат саласының мамандары қатысып, пікірлері мен ұсыныстарын ортаға салды. Сол кездесулердің біріне өзім де қатысып, ұсыныстарымды білдірдім.

Бұл құжат – сала маман­дарының сүзгісінен өтіп, кеңінен талқыланған, жан-жақ­ты сараланып әзірленген құ­жат деп айтуға болады. Әсі­ресе қоғам­дық өмірдің бар­лық саласын қамтитын, дамуға бағыттайтын мазмұны жинақы да нақты дүние шық­қанына шүбәм жоқ.

Қарап отырсақ, мұнда ішкі сая­саттың негізгі мақсаты, қағи­­даттары, нышандары мен құндылықтары айқын көрсетіл­ген. Сонымен қатар ішкі саясат­тың басым бағыттары да нақты белгіленіп тұр.

Сондықтан, ең алдымен, мемлекеттік қызметшілерге, әсіресе ішкі саясатқа жа­уапты мамандарға таптырмас әрі пайдалы құралға айналмақшы. Оны орталық және жергілікті деңгейде нұсқаулық ретінде қолдануға әбден болады.

Өзім де кезінде мемлекет­тік қызметте, ішкі саясат саласында жұмыс істегенмін. Сол уақытта дәл осындай маз­­мұндағы құ­жаттың жетіс­пейтінін сезі­не­тінбіз. Енді, міне, ондай олқы­лықтың орны толып отыр.

Меніңше, бұл – ішкі саясат мәселелерін жүйе­леу­ге, құндылықтар мен қағи­дат­тар негізінде жұмысты жаңа са­палы деңгейге көтеруге және салаға тың серпін әкелуге мүмкіндік беретін, уақытылы әзірленген өте маңызды әрі сапалы құжат.

Нұрбек МАТЖАНИ,

Саяси сарапшы