Сақтандыру ұйымдары несие өтелген соң 5 жұмыс күні ішінде ақшаны қайтаруға міндеттелді

Қаржы нарығын реттеу және дамыту агенттігі қарыз алу кезінде рәсімделетін сақтандыру шарттарына қатысты енгізілген жаңа заңнамалық өзгерістер туралы ескертті. Бұл өзгерістер қарыз алушылардың құқықтарын қорғауды күшейтуге және қаржылық жүктемені азайтуға бағытталған, деп жазады Egemen.kz.

Фото: Қаржы нарығын реттеу және дамыту агенттігі

Енді банктер мен микроқаржы ұйымдары сақтандыру агенттеріне төленетін комиссиялық сыйақыны сақтандыру сыйлықақысының 10% деңгейінен асырмайды. Бұған дейін бұл көрсеткіш кей жағдайларда 90%-ға дейін жеткен, бұл тұтынушылар үшін қосымша шығынға айналған.

Жаңа талаптарға сәйкес, банктер мен МҚҰ қарыз беру кезінде сақтандыруды міндеттеуге немесе белгілі бір сақтандыру компаниясын таңдауға мәжбүрлеуге құқылы емес. Сақтандыру рәсімі еркін таңдау негізінде жүзеге асады. Егер ұсынылған шарттар қанағаттандырмаса, қарыз алушы өзге сақтандыру ұйымын таңдай алады.

Қару асынғанға – қарыз жоқ: Сарбаздарға несие беруге неге тыйым салынбақ?

Маңызды жаңалықтардың бірі – қарыз алушының сақтандыру шартын жасалған күннен бастап 14 күн ішінде бас тарту құқығының сақталуы. Мұндай жағдайда банктер мен микроқаржы ұйымдары қарыз шартындағы сыйақы мөлшерлемесін немесе комиссияны қайта қарауы мүмкін.

Сонымен қатар қарыз шартын жасау кезінде сақтандыру талап етілмесе, сыйақы мөлшерлемесі немесе комиссия алғаш бекітілген деңгейден аспауы тиіс. Бұл норма тұтынушыларды қосымша шығындардан қорғауға бағытталған.

Қарызын төлемеген банктерге байланысты не өзгерді?

Тағы бір маңызды өзгеріс – сақтандыру шартын бұзу кезінде төленген сыйлықақыны қайтару тәртібі нақтыланды. Қарыз алушы міндеттемесін толық өтеген жағдайда, сақтандыру ұйымы пайдаланылмаған кезеңге сәйкес қаражатты қайтаруға міндетті. Бұл сомадан тек 10%-дан аспайтын шығыстар ғана шегерілуі мүмкін. Қайтару өтініш берілген күннен бастап 5 жұмыс күні ішінде жүзеге асады.

Мамандар азаматтарға сақтандыру шартын рәсімдеу кезінде оның барлық талаптарын мұқият зерделеуді, соның ішінде сыйақы мен агенттік комиссия мөлшеріне ерекше назар аударуды ұсынады.

Енгізілген өзгерістер әділ әрі бәсекеге қабілетті сақтандыру нарығын қалыптастыруға, сондай-ақ азаматтардың қаржылық сауаттылығын арттыруға ықпал етпек.

Қарызсыз қоғам: қаржы сауаты қай деңгейде?

Соңғы жаңалықтар

Сақтандыру ұйымдары несие өтелген соң 5 жұмыс күні ішінде ақшаны қайтаруға міндеттелді

Қоғам • Бүгін, 13:05

Тапшылық жоқ – сәйкесінше баға да өспейді: Энергетика вице-министрі жанармай құнының өзгеруі туралы

Экономика • Бүгін, 12:49

Психикалық саулық – тұрмыстық қызмет емес: Аймағамбетов саланың реттелмегенін сынға алды

Қоғам • Бүгін, 12:35

Мұхтар Шаханов жансақтау бөлімінде жатыр

Қоғам • Бүгін, 12:16

Әрбір инвесторға нақты прокурор бекітіледі: Жаңа сүзгі қалай жұмыс істейді?

Экономика • Бүгін, 12:05

Бразилияда әлем чемпионаты кезінде стадион өртенді: Спортшылар аман ба?

Спорт • Бүгін, 11:49

Қорғалжында дамбы жарылды: Астана – Қорғалжын жолын су шайып кетуі мүмкін бе?

Қоғам • Бүгін, 11:36

Жұмыс істеп жүрген ұстаздар біліктілік тестін тапсырудан босатылды

Білім • Бүгін, 11:22

Қазақстанда бала құқығын қорғау комиссияларының қызметі қайта жүйеленді

Қоғам • Бүгін, 11:08

Шетелдіктерді заңсыз тіркеген: Ақтөбеде жалған құжат жасаумен айналысқан ұйымдасқан топ ұсталды

Аймақтар • Бүгін, 10:57

Наурыздағы ҰБТ: Талапкерлердің 70%-ы шекті балл жинады

Білім • Бүгін, 10:44

Ормұз бұғазы қайта жабылды

Әлем • Бүгін, 10:37

3 млрд теңгеден астам залал: Қостанайда субсидияны заңсыз иемденген қылмыстық топ сотталды

Шаруашылық • Бүгін, 10:22

Сәтбаевта көпқабатты үйден өрт шықты: 4 бала құтқарылды

Оқиға • Бүгін, 10:12

Жетісудағы туристік инфрақұрылым: Алакөл жағалауындағы негізгі нысандардың жай-күйі тексерілді

Үкімет • Бүгін, 10:03

Барлық жаңалықтар