She’s Next байқауы қорытындыланды

Алматыда Halyk Bank пен Visa жүзеге асырып жатқан She’s Next жаһандық бағдарламасының төртінші кезеңі қорытындыланды.

Жоба кәсібін дамытып жүрген әйелдерді шабыттандыруға, оқытуға және қолдауға бағытталған. Байқауда елдің түкпір-түкпірінен келген қатысушылар өздерінің бизнес-идеялары мен жобаларын қазылар алқасына ұсынды.

Биыл She’s Next бағдарламасына Қазақстанның өңірлерінен 16 мыңнан астам әйел-кәсіпкер қатысты. Бірнеше кезеңнен тұратын байқау «Бастауыш бизнес», «Жұмыс істеп тұрған бизнес» және «IT-бизнес» аталымдары бойынша өтті. Қатысушылар кешенді оқудан өтіп, кәсіби тестілеуден кейін өздерінің бизнес-жоспарларын сарапшы қазылар алқасының алдында қорғады.

Мәдина Өскенбаева, байқау жеңімпазы:

- Біз фермада ешкі асыраймыз. Сонымен қатар біз қазір табиғатқа балаларды жақындататын бағдарламамыз бар. Сонымен қатар біз агротуризм бұл жаңа бағыттағы бизнес түрі, соны дамытып жатырмыз.

Жеңімпаз кәсіпкер әйелдер 1 млн-нан 5 млн теңгеге кейінгі гранттарға ие болды.

Кристина Дорош, Visa компаниясының ТМД елдеріндегі аймақтық менеджері:

- Бұл мүмкіндікті біз Halyk Bank-пен бірлесіп ұсынып отырмыз. Visa - бұл жаһандық компания, бірақ біз Visa-ны қазақстандық компания ретінде де мақтанышпен атаймыз. Бизнес саласының дамуы, қоғамның дамуы біз үшін аса маңызды.

Ольга Вурос, Нalyk bank басқарма төрағасының орынбасары:

- Таңдау жасау өте қиын болды. Бірақ барынша әділ болуға тырыстық. Біз жеңімпазды таңдау барысында жобаның ауқымын кеңейту мүмкіндігі, оның қолданбалығы, экономикалық тұрғыдан тиімділігі, сұранысқа ие болуы және инновациялық ерекшелігін басымдыққа алдық.

Қатысушылардың қатарында фермерлер мен қолөнершілер, онлайн-қызмет көрсету саласының мамандары мен киім брендтерінің негізін қалаушылар да бар. Олардың идеясы әртүрлі, бірақ мақсаты ортақ – өз ісін дамыту.

Авторлары: Гүлжан Көленқызы, Мұхит Құдықбаев