Шетпе Жетібай тас жолында қозғалысқа шектеу қойылды

Маңғыстау облысында Шетпе – Жетібай тасжолында қозғалыс шектеледі, деп хабарлайды Tengri Auto.

Атап айтқанда, 2026 жылдың 8-14 қыркүйегі аралығында "Доссор – Құлсары – Бейнеу – Сай-Өтес – Шетпе – Жетібай – Ақтау" республикалық маңызы бар тасжолының 705-712 шақырымында көліктің барлық түрі үшін қозғалыс шектеледі.

Фото: "ҚазАвтоЖол"

"ҚазАвтоЖол" мәліметінше, жөндеу жұмыстары кезінде автокөліктер Жетібай ауылының ішкі жолымен жүре алады.

Негізгі учаскедегі қозғалыс 2026 жылдың 14 қыркүйегінде қалпына келтіріледі деп жоспарланған.

Тасжолдардағы қазіргі шектеулер

Қазіргі уақытта жолдың бірнеше учаскесінде қозғалыс шектелген:

24 шілде мен 30 қараша аралығында - Медеу - Тұйықсу автожолында; 24 тамыз бен 10 қыркүйек аралығында - Астана – Қарағанды – Алматы тасжолының 1194-1209 шақырымында; 3 қыркүйек пен 30 қыркүйек аралығында - "Алматы – Төңкеріс – Байсерке – Междуреченск – "Астана – Алматы" автожолының 20-шақырымынан (Көктерек ауылы маңы) 51-шақырымына дейін.

Google News арқылы жаңалықтарымызды қадағалаңыз

Жазылу