Жандосов көшесінде жол жөндеу жұмыстары жалғасуда қозғалысқа шектеу қойылды

Алматыда Жандосов көшесінің бір бөлігінде жөндеу жұмыстарына байланысты қозғалыс сызбасы уақытша өзгереді. Бұл туралы қала әкімдігінің баспасөз қызметі хабарлады, деп жазады Tengri Auto.
19 тамыз сағат 23:00-ден 23 тамыз сағат 23:00-ге дейін қала шекарасынан Дәулеткерей көшесіне дейінгі учаскеде реверсисті қозғалыс енгізіледі.

Аталған учаскеде қозғалысты толығық шектеу жоспарланбаған.

Жөндеу жұмыстарының мерзімі ауа райына және өндірістік қажеттілікке байланысты өзгеруі мүмкін екені нақтыланады.

Әкімдік жүргізушілерден уақытша қолайсыздықтарға түсіністікпен қарап, жылдамдық режимін сақтауды және уақытша жол белгілері талаптарын орындауды сұрайды.

Еске сала кетейік, 11 тамыз сағат 23:00-ден 15 тамыз сағат 23:00-ге дейін Жандосов көшесінің қала шекарасынан Дәулеткерей көшесіне дейінгі учаскесінде қозғалысқа шектеу енгізілген болатын.

17 шілдеден 30 тамызға дейін Бекешев көшесінің Әбілдин көшесінен Белжайлау көшесіне дейінгі учаскесінде көлік қозғалысы уақытша шектелді. Себебі - кәріз коллекторының құрылысы.

19 тамыздан 20 тамыз сағат 20:00-ге дейін Үшкемпіров көшесінің Алаша көшесінен әл-Фараби даңғылына дейінгі учаскесінде көлік қозғалысы уақытша шектелді.

Тағы оқыңыз: Дөңгелек жарылып, қозғалтқыш өшіп қалса: Қазақстан тасжолдарында қалай көмек алуға болады?

Google News арқылы жаңалықтарымызды қадағалаңыз