Алматыда Жандосов көшесінде қозғалысқа төртінші рет шектеу қойылды

Алматыда Жандосов көшесінің бір бөлігінде жөндеу жұмыстарына байланысты қозғалыс сызбасы уақытша өзгереді. Бұл туралы қалалық әкімдіктің баспасөз қызметі хабарлады, деп жазады Tengri Auto.

27 тамыз сағат 22:00-ден 30 тамыз сағат 06:00-ге дейін қала шекарасынан Дәулеткерей көшесіне дейінгі учаскеде реверсивті қозғалыс енгізіледі.

Фото: Almaty_Joly

Аталған учаскеде қозғалысты толығымен шектеу жоспарланбаған.

Жөндеу жұмыстарының мерзімі ауа райы жағдайларына және өндірістік қажеттілікке байланысты өзгеруі мүмкін екендігі нақтыланады.

Жүргізушілерден уақытша қолайсыздықтарға түсіністікпен қарауды, жылдамдық режимін сақтауды және уақытша жол белгілерінің талаптарын орындауды сұрайды.

Естеріңізге сала кетейік, кейінгі уақытта бұл учаскеде қозғалысқа үш рет шектеу қойылды: 21 шілде мен 1 тамыз, 11 мен 15 тамыз және 19 бен 23 тамыз аралығында. Бұл учаскедегі жұмыстардың жүріп жатқанына жалпы жиынтығы 37 күн болды.

26 тамыздан 29 тамызға дейін Абылай хан даңғылының Гоголь мен Мақатаев көшелері арасындағы бөлігінде көлік қозғалысы шектеледі.

17 шілдеден 30 тамызға дейін Бекешева көшесінде, Әбділдина көшесінен Белжайлау көшесіне дейін кәріз құбырларының құрылысына байланысты көлік қозғалысы уақытша шектеледі.

26 тамыз бен 1 қыркүйек аралығында учаскеде күн сайын сағат 00:00-ден 05:00-ге дейін Құлыбеков көшесінен Машан көшесіне дейін қозғалыс шектеледі.

24 тамыз сағат 21:00-ден 1 қыркүйекке дейін Абай даңғылының Саин көшесінен Момышұлы көшесіне дейінгі бөлігінде қозғалыс шектеледі.

Google News арқылы жаңалықтарымызды қадағалаңыз