Шілде айында 169,1 мың автокөлік тіркеуге қойылды

2026 жылғы шілде айында Қазақстан Республикасында 169 133 автокөлік құралы тіркеуге қойылды, бұл 2026 жылғы маусыммен салыстырғанда (167 878 бірлік) 0,7% көп, – деп хабарлайды Aikyn.kz. Тіркелген көлік құралдарының жалпы санының 87,7%-ын жеңіл автомобильдер, 5,6% – жүк автомобильдері, 2,4% – тіркемелер, 0,9% – автобустар, 0,8% – мотоциклдер және 2,6%-ын өзге де автокөлік құралдары құрады.

2026 жылғы 1 тамыздағы жағдай бойынша, Қазақстан Республикасында тіркелген автокөлік құралдарының жалпы саны 6 059,2 мың бірлікке жетті. Жалпы, автопарк құрылымында жеңіл автомобильдер – 5 081,5 мың бірлік (83,9%), жүк автомобильдері – 495,0 мың бірлік (8,2%), тіркемелер – 263,2 мың бірлік (4,3%), автобус пен шағын автобустар – 89,5 мың бірлік (1,5%), мотоциклдер – 74,6 мың бірлік (1,2%) және өзге де автокөлік құралдары – 55,5 мың бірлік (0,9%).
Шілде айында тіркеуге қойылған жеңіл автомобильдердің құрылымында ең жоғары үлесті (35,2%) қозғалтқыш көлемі 1 500-ден 2 000 см³-ге дейінгі автомобильдер құрайды.
Есепті мерзімде тіркелген жеңіл автомобильдердің қозғалтқыш көлемі бойынша бөлінісі төмендегідей:
1 500-ден 2 000 см³-ге дейін – 59 530 бірлік (35,2%)
1 500 см³-ге дейін – 35 277 бірлік (20,9%)
2 000-ден 2 500 см³-ге дейін – 24 550 бірлік (14,5%)
2 500-ден 4 000 см³-ге дейін – 23 027 бірлік (13,6%)
4 000 см³-ден жоғары – 3 644 бірлік (2,2%)
өзге – 2 218 бірлік (1,3%)
Өңірлер бөлінісінде қозғалтқыш көлемі 1 500-ден 2 000 см³-ге дейінгі жеңіл автомобильдер ең көп Алматы қаласында (6 160 бірлік), Астана қаласында (5 436 бірлік) және Алматы облысында (5 340 бірлік) тіркеуге қойылды.

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.