Швеция Украинаны энергиямен қамтуға 111 миллион доллар бөледі

АСТАНА, 6 ақпан – Sputnik. Швеция Украинаны энергиямен қамту саласына 111 миллион доллар бөледі. Бұл туралы корольдік үкіметі хабарлады.

"Үкімет Украинаның энергетика секторын қолдауға арналған бір миллиард швед кроны (шамамен 111 миллион доллар – ред.) көлеміндегі жаңа көмек пакетін жариялады", – делінген үкіметтің ресми сайтындағы хабарламада.

Жазбада бұл қолдау елдің энергия өндіру қажеттіліктерін қамтамасыз етуге, инфрақұрылымды жөндеуге және ұзақ мерзімді перспективада энергиямен қамтуды нығайтуға бағытталғаны аталып өткен.