Шығыс Қазақстанда оқушыларды бірінші сыныпқа қабылдау мерзімі өзгерді

Бұл жаңашылдық туралы ЩҚО білім басқармасының басшысы Қуат Оқасов мәлім етті. Оның айтуынша, құжат тапсыру тәртібі негізінен өзгеріссіз қалады, алайда қабылдау науқанының мерзімдері қайта қаралған.

Мұндағы негізгі мақсат – өтінімдердің басым бөлігі қабылданатын eGov.kz порталына түсетін жүктемені азайту. Сонымен қатар кейбір ата-аналар үшін рәсім жеңілдетіледі. Мектепалды даярлық сыныптарында оқып жүрген және сол мектепте білімін жалғастыратын балалар бірінші сыныпқа автоматты түрде қабылданады. Тек баланы басқа мектепке ауыстыру қажет болған жағдайда ғана портал арқылы өтініш беру талап етіледі.

– Қабылдаудың жаңа форматына көшу бірнеше жыл бойы талқыланды. Биыл біз бұл жүйені енгізіп отырмыз. Бұл процесті ыңғайлы етіп, жүйеге түсетін жүктемені біркелкі бөлуге мүмкіндік береді, - деді Қуат Оқасов.

Білім басқармасының хабарлауынша, қабылдауды кезең-кезеңімен ұйымдастыру науқанның алғашқы күндеріндегі дәстүрлі қарбаластың алдын алып, ата-аналар үшін құжат тапсыруды барынша қолайлы етеді.

Еске салсақ, осыған дейін Атырауда жекеменшік мектептерді қаржыландыру мәселесі көтерілгені хабарланған.