Сийярто Сербиядан бұрын Украинаны Еуроодаққа қабылдау әрекетін айыптады

АСТАНА, 2 наурыз – Sputnik. Венгрияның сыртқы істер және сыртқы экономикалық байланыстар министрі Петер Сийярто Брюссельдің Украинаны Сербиядан бұрын Еуроодаққа қабылдау ниетін айыптады, деп хабарлады РИА Новости.

"Брюссель алдымен Еуропаның ең сыбайлас жемқорлық белең алғанымен қатар, соғыс жағдайында тұрған елін қабылдағысы келеді. Сербия Еуроодақты нығайтады, құрлықтың дамуына көмектеседі және бейбітшілік орнатады, ал украиналықтар Еуроодаққа соғыс, сапасыз астық және украин мафиясын әкелгісі келеді. Сондықтан біз өз тарапымыздан сербтерді таңдаймыз және Брюссельдің Украинаны Сербиядан бұрын Еуроодаққа қабылдауын қателік деп санаймыз", - деді Сийярто Белградта өткен баспасөз мәслихатында.

Бұған дейін Сийярто Батыс Балқанда еуропалық интеграцияны қолдау азайып бара жатқанын, сондықтан ЕО оларды қабылдауға асығуы керек деп мәлімдеген.

Сийярто бұған дейін Украинаның Еуроодаққа кіру талаптарына сәйкес келе алатынына сенбейтінін мәлімдеген.

Венгрия премьер-министрі Виктор Орбан бұған дейін Брюссель Украинаның 2030 жылға дейін Еуроодаққа қосылуын қалайтынын, бірақ соңғы шешімді Венгрия қабылдайтынын мәлімдеген болатын. Ол Украинаның қосылуы Венгрия экономикасын күйрететінін айтты. Орбан Венгрияның Еуроодақты жақтайтынын, бірақ Украинаның жеделдетілген еуропалық интеграциясына қарсы екенін және Киевтің Будапешттің келісімінсіз ешқашан одаққа қосылмайтынын айтты.