Силлено үшін салмағы 1,5 мың тонна болатын алып бағана қалай орнатылды

Бірегей отандық жабдықты жергілікті «АтырауНефтеМаш» кәсіпорны дайындап шығарған. Оның биіктігі 101,8 метр, салмағы 1,5 мың тонна. 

Алып конструкцияны дайындау, тасымалдау және жобалық орнына монтаждау еліміздегі ең күрделі әрі ауқымды инженерлік операциялардың біріне айналды.

2026 жылдың қыркүйегінде жабдық болашақ зауыттың құрылыс алаңына орнатылды.

Қазір атыраулық кәсіпорын зауыт құрылысы үшін кезекті ірі жабдықтарды әзірлеуді жалғастырып жатыр. Мамандар салмағы шамамен 700 тонна, биіктігі 50 метрден асатын және диаметрі 10 метрлік суыту бағанасын жасауға кірісті. Сонымен бірге су дайындау жүйесіндегі еріген газдарды жоюға арналған деаэратор қондырғысы өндірілуде.

Жалпы, «Силлено» полиэтилен зауытының құрылысы аясында отандық өндірушілер мен қазақстандық компаниялардың әлеуетін белсенді пайдалану жұмыстары одан әрі жалғасады.

2 қазан, 11:34