СІМ Мысырды баруға ұсынылмайтын елдер тізімінен шығарды

АСТАНА, 27 наурыз – Sputnik. Қазақстанның сыртқы істер министрлігі Мысыр Араб Республикасының баруға ұсынылмайтын мемлекеттер тізімінен шығарылғанын хабарлады.

"Бұл шешім аталған елдегі қазіргі жағдайды, сондай-ақ азаматтық инфрақұрылымның, оның ішінде халықаралық әуежайлар мен туристік аймақтардың жұмыс істеу жағдайларын ескере отырып қабылданды", - деп жазылған хабарламада.

Сонымен қатар, Таяу Шығыстағы ахуалдың әлі де шиеленісті болып қалуына, сондай-ақ өңірдің бірқатар мемлекеттерінде әуе кеңістігінің мезгіл-мезгіл жабылуына байланысты сыртқы істер министрлігі келесі елдерге жағдайдың толық тұрақтануына дейін сапарлардан бас тарту жөніндегі ұсынымдарын сақтайды:

Бахрейн;

Біріккен Араб Әмірліктері;

Израиль;

Йемен;

Иордания;

Ирак;

Иран;

Қатар;

Сауд Арабиясы Корольдігі;

Кувейт;

Ливан;

Оман;

Сирия.

Министрлік осы аймақтарда жүрген Қазақстан азаматтарына жеке қауіпсіздік шараларын күшейту, ықтимал қауіпті аймақтарға барудан бас тартуды, жергілікті билік органдарының нұсқауларын қатаң сақтауды, соның ішінде зымырандық қауіп туындаған жағдайда дереу баспаналарға (қорғаныс орындарына) баруды ұсынды.

Сонымен қатар Қазақстан Республикасының шетелдегі мекемелерімен, туроператорлармен және әуе тасымалдаушыларымен тұрақты байланыста болу қажеттігі тағы да еске салды.