Солтүстік Қазақстан облысында бруцеллёз жұқтыру жағдайлары анықталды

Солтүстік Қазақстан облысында үш адам бруцеллез жұқтырды, деп хабарлайды TengriHealth тілшісі Almaty.tv-ға сілтеме жасап.

Солтүстік Қазақстан облысында үш адам бруцеллез жұқтырды, деп хабарлайды TengriHealth тілшісі Almaty.tv-ға сілтеме жасап.

Ақпаратқа сәйкес, екі жағдай Шал ақын ауданында анықталған – қауіпті инфекция әкесі мен баласынан табылған. Санитарлық қызметтердің мәліметінше, олар індетті жеке қосалқы шаруашылықтағы ауру малмен жанасу кезінде жұқтырған.

Тағы бір жағдай Петропавл қаласында тіркелді. Онда жергілікті тұрғын ауру жұқтырған. Мамандар әзірге инфекцияның нақты көзін анықтай алған жоқ. Әйел ауру белгілері пайда болар алдында қалалық сауда желілерінің бірінен ет өнімдерін сатып алғаны белгілі, бірақ нақты қай жерден алғанын айтпаған.

"Барлық байланыста болған адам тексерілді. Зертханалық зерттеулердің нәтижесі бойынша барлық сынама нормативтік құжаттарға сәйкес келеді. Барлық науқас медициналық бақылауда. Олар ем қабылдады. Екі жыл бойы олар медициналық динамикалық бақылауда болады", - деді санитарлық-эпидемиологиялық бақылау департаментінің бөлім басшысы Серік Аушатов.

Google News арқылы жаңалықтарымызды қадағалаңыз

СҚО

бруцеллез

ауру

жұқтыру