Солтүстік Қазақстанда көлік өртеніп кетті: жолаушылар ішінде қалып, жүргізуші қашып кеткен

АСТАНА, 9 қыркүйек – Sputnik. Солтүстік Қазақстан облысында көлік өртеніп кетті.

Оқиға 5 қыркүйекте таңғы сағат 5 шамасында болған.

Петропавл қаласынан шығатын жерде Hyundai Palisade маркалы автокөлік жүргізушісі полиция қызметкерлерінің тоқтау туралы заңды талабына бағынбаған. Содан кейін жүргізуші жоғары жылдамдықпен қозғалысын жалғастырып, жолдағы қоршауға соғылған.

Алайда өзі оқиға орнынан кетіп қалған, бірақ көлікте мас күйдегі екі жолаушы қалған.

"Олардың біріне оқиға орнына келген полиция қызметкерлері көліктен шығуға көмектесті. Осыдан кейін автокөліктен өрт шыққан. 55 жастағы жүргізуші ұсталып, полицияға жеткізілді", - дейді полицейлер.

Оған қатысты әкімшілік іс қозғалды. Оның әрекеттеріне түпкілікті құқықтық баға барлық қажетті процестік әрекеттердің нәтижелері бойынша беріледі, дейді полицейлер.