Сөмкеңізді вагонда немесе құжаттарыңызды вокзалда қалдырып кетсеңіз: не істеу керек және қайда хабарласу қажет

Купеде телефонын немесе күту залында сөмкесін ұмытып кету көптеген жолаушы тап болатын жағдай. Мұндай жағдайда не істеу керек? Толығырақ Tengri Travel - материалында.

Купеде телефонын немесе күту залында сөмкесін ұмытып кету көптеген жолаушы тап болатын жағдай. Мұндай жағдайда не істеу керек? Толығырақ Tengri Travel - материалында.

Заттарыңыз вагонда қалып қойса не істеу керек?

Егер вагонан шығып, сөмкенің сөре астында қалып кеткенін түсінсеңіз, мәселені сол жерде шешуге мүмкіндік бар. "Жолаушылар тасымалы" компаниясының баспасөз қызметі мұндай жағдайда не істеу керек екенін түсіндірді.

"Егер жолаушы затын ұмытып кетсе, пойыз әлі станцияда тұрған болса және оның жүруіне біраз уақыт (10–40 минут) бар болса, табылған затты пойыз бригадасы қызметкерлерінен алып кетуге болады", - деп хабарлады компания.

Егер вагон жүріп кетсе, дүрбелеңге түсудің қажеті жоқ. Қазіргі уақытта жолаушылардың әлеуметтік желілер арқылы тасымалдаушыға жүгіну мүмкіндігі бар.

"Егер пойыз жүріп кеткен болса, жолаушы жедел жауап алу үшін @jolaushylar_tasymaly ресми Instagram парақшасына жүгіне алады немесе +7 776 714 5686 WhatsApp нөміріне жаза алады", - деп нақтылады компания өкілдері.

Сонымен қатар, вокзал бойынша кезекшіге барып, вокзал бастығының атына өтініш жазуға болады. Өтініште мыналарды көрсету маңызды:

пойыз бен вагон нөмірі; сіз отырған орын; заттың егжей-тегжейлі сипаттамасы; табылған затты қайта жіберу туралы өтініш.

Сипаттама неғұрлым дәл болса, жоғалған затты тез табу мүмкіндігі соғұрлым жоғары болады.

Егер неден бастарыңызды білмесеңіз, мына нөмірге қоңырау шалыңыз:

1433 - бірыңғай анықтама қызметі.

Қоңырау шалу тегін. Диспетчерлер дәл сіздің жағдайыңызға байланысты іс-қимыл алгоритмін айтып береді.

Табылған заттарды не істейді?

Егер затты жолсерік тапса, ол пойыз бастығына тапсырылады, содан кейін құрамның жасақталу пунктіне жіберіледі.

Одан әрі заттар вокзалда сақталады, сол жерден жеке басын куәландыратын құжатты көрсеткен соң алып кетуге болады.

Табылған затты алу үшін жолаушыға жеке куәлік қажет болады.

Следите за нашими новостями в Google News

Подписаться