Сотталған өзбекстандықтар енді түрмеде шет тілдері мен IT мамандықтарды меңгереді

Тиісті жарлыққа президент Шавкат Мирзиёев қол қойды. Құжатқа сәйкес, биыл 1 маусымынан Ташкент, Науаи және Қашқадария облыстарындағы түзету мекемелерінде жастарды оқыту басталады. 2027 жылдың 1 наурызынан бастап бұл бағдарлама елдің басқа аймақтарында орналасқан түрмелерге енгізіледі.

Жоба “Иккинчи имкон” (“Екінші мүмкіндік”) бастамасы аясында іске асады. Сотталғандар 8-12 ай аралығынжа ағылшын, қытай, орыс тілдерін меңгеріп, заманауи мамандықтарды игереді.
Оқуды аяқтағандарға сертификат табысталады. Курстарға ауырлығы орташа қылмыс жасаған жастар іріктеліп алынады.

Қоса кетсек, былтыр Өзбекстанда жеңгетайлықпен айналысқан 2 мыңнан астам адам жазаланды.

Еске салайық, былтыр Өзбекстанда жемқорлыққа барған 252 әкімдік қызметкері қылмыстық жауапқа тартылды.

Мұнымен бірге, 2025 жылы Өзбекстанда 5 мыңнан астам сыбайлас жемқорлық қылмысы тіркелді.

Сонымен қатар 2026 жылдың алғашқы екі айында Өзбекстанның құқық қорғау органдары 8 зертхананы анықтап, 375 келі есірткі тәркіледі.