Сталкинг пен алаяқтық қатаң жазаланады

Ішкі істер министрлігі сталкинг үшін қылмыстық жауапкершілік қарастырылғанын хабарлап, ол үшін қандай жауапкершілік көзделгенін еске салды.

Сурет: nippon.com/

Министрлік азаматтардың жеке өмірі мен қауіпсіздігі заңмен қорға­ла­ты­нын, ал аңду, қайта-қайта мазалау қылмыс екенін ескер­теді. Қайта-қайта қоңы­рау шалу, хабарлама жіберу, әлеу­мет­тік желілер арқылы бақы­лау, адам­ның еркінен тыс ізіне түсу – сталкинг.

«Бұл әрекеттер адамның қауіп­сіздігіне және психология­лық жай-күй­іне тікелей қауіп төндіреді. Қазақ­стан Респуб­ли­ка­сының Қылмыс­тық кодексінің 115-1-бабына сәйкес, сталкинг фак­тісіне заңмен қатаң жауап­кер­ші­лік көзделген.

Аталған бапқа сәйкес, 200 айлық есептік көрсеткішке дейін айыппұл салынып, 200 сағатқа дейін қоғамдық жұмыстарға тарту көзделген. Сондай-ақ 50 тәулікке дейін қамауға алу жазасы қарастырылған», делінген министрліктің ресми хабарламасында.

Министрлік хабарламасында Конс­титуция әрбір азаматтың жеке өміріне қол сұғуға болмайтынын және қауіпсіздік құқығын қорғауға кепілдік беретіні ай­тылған. Яғни заң бұзушылық – міндетті түрде жауапкершілікке әкеліп соғады. Сондықтан өзге адамның «Жоқ» деген жауабына міндетті түрде құрметпен қарау заңмен міндеттелген.

Сондай-ақ құқық қорғау органдары қоғамдық қауіпсіздікті қалыптастыру мақсатында интернет алаяқтықтың жаңа схема­сы туралы ескертеді. Шетел­дік дерек­­көздердің мәліметтері бо­йынша алаяқтар тегін элек­трон­­дық кітап­тар ретінде Telegram-ға зиянды файл­д­арды таратады. Сөйтіп, Тelegram-нан кітаптардың үлкен жиынтығы қолжетімді екені жайлы шектеу­сіз хабарлама жібе­реді.

Қажетті  басылым сұралғаннан кейін бот нақты сервиске имитиция жасай отырып, кітап сю­же­тінің қысқаша сипат­­­тамасын жа­сайды, бірақ кітапты оқу немесе жүктеудің орнына «арнайы қосымша» деген атаумен вирус­тық файл жібереді.

Файлды орнатқан кезде алаяқ­тар құпиясөздер мен қара­жат ұрлап, хат алмасуға және фото­суреттерге қол жет­кізеді. Сондай-ақ бұл «тегін кітап­ха­на­ның» салда­ры смартфонды қашықтан бас­­қа­ру және жеке деректерді жо­ғал­туға әкеп соғады. Сол себепті полиция бейресми көз­дер­ден басқа қосым­ша­лар­ды орнату қа­уіп­ті екенін еске салады.

Министрлік кибергигиена ереже­ле­рін сақтау және жеке қыра­ғылық осындай қауіп-қатер­лер­ден қорғаудың негізгі шаралары екенін қаперіңізге салады.

Соңғы жаңалықтар

Отандық оқу орындарының өрісі

Білім • Бүгін, 08:15

Қайта түлеген спорттық инфрақұрылым

Университет • Бүгін, 08:12

ЖИ-аватар

Ғалам ғажаптары • Бүгін, 08:10

Гүлмираның «yoonee.ai» платформасы

Digital • Бүгін, 08:08

Жастар кәсіпкерлігі: қолдау бар, қайтарымы қалай?

Бизнес • Бүгін, 08:05

Білім нысандарын аралады

Аймақтар • Бүгін, 08:03

Робот-полиция

Ғалам ғажаптары • Бүгін, 08:00

Жедел жәрдем автопаркі жаңарды

Аймақтар • Бүгін, 07:55

Бұйырмаған қазы

Ең қысқа әңгіме • Бүгін, 07:50

Сирек аңдармен толықты

Алматы • Бүгін, 07:45

Моноспектакльдегі мөлтек сыр

Театр • Бүгін, 07:40

Жарыс күнделігі

Спорт • Бүгін, 07:35

Аян

Ғалам ғажаптары • Бүгін, 07:30

Петропавлда хабар-ошарсыз кеткен 18 жастағы жігіттің мәйіті орманнан табылды

Оқиға • Кеше

Ертең еліміздің бірқатар өңірінде түман түсіп, боран соғады

Ауа райы • Кеше

Барлық жаңалықтар