Студенттер сыйлыққа кенелді

Павлодарда болашақ жұмысшы мамандық­та­рының өкілдері – колледж студенттеріне арналған «Шебер асуы» сыйлығының қоры­тын­дысы шығарылды.

Сурет: pavlodarnews.kz

«Шебер асуы» – өңір әкімінің арнайы сыйлығы. Марапат алғаш рет табысталып отыр әрі бұл білімімен, еңбегімен, талантымен, табандылығымен кәсіби шеберліктің шегі жоқ екенін дәлелдеген жас­тарды ынталандыруға бағытталған.

Облыс әкімі Асайын Байханов жеңімпаздарды құттықтап, жылы лебізін білдірді.

«Өздеріңізге белгілі, жұмысшы мамандықтары – ел экономикасының негізі. Бүгін сіздер – үздік студентсіздер, ал ертең сұранысқа ие маман болып, өңіріміздің тірегіне айналасыздар. Алдағы уақытта да үнемі даму көшінде болып, жаңа мақсаттар қойып, Павлодар облысының атын республикалық және халықаралық деңгейде асқақтата бересіздер деп сенемін. Сіздердің кәсіби біліктіліктеріңіз бен бел­сенді азаматтық ұстанымдарыңыз Ертіс-Баян өңі­рінің болашағының берік іргетасы», деді өңір басшысы.

Марапатталғандардың қатарында Жаяу Мұса атындағы Ақсу жоғары көпсалалы колледжінің студенті, «WorldSkills Kazakhstan – 2025» конкурсында «Электрмонтаж» құзыреттілігі бойынша алтын медаль иегері Максим Сорозидинов, Мұсахан Қанапиянов атындағы жоғары колледж студенті, волонтер, «Қазақстанның 100 үздік студенті» республикалық конкурсының жеңімпазы Назерке Қайыргелдинова, технологиялық колледж студенті, «WorldSkills Kazakhstan – 2025» конкурсында «Наубайхана ісі» құзыреттілігі бойынша күміс жүлдегер, Мәскеуде өткен «Кондитер. Дети» шоуының жартылай финалисі Мейрам Асылжан бар.

Жалпы, биыл «Шебер асуы» аталымы бойынша облыс әкімінің біржолғы сыйлығымен кәсіби шеберліктің жоғары деңгейін және дамуға деген ұмтылысын көрсеткен өңір колледждерінің 30 студенті марапатталды.

Павлодар облысы 

Соңғы жаңалықтар

Сарқырама тоқтаған күн

Ғалам ғажаптары • Бүгін, 08:30

«Керуендей бұ дүниеге аз күн қонып...»

Тағзым • Бүгін, 08:25

Әлемге һәм елге әйгілі

Өнер • Бүгін, 08:20

Нобель, Букер және біз

Руханият • Бүгін, 08:15

Бір сағаттағы үш мереке

Ғалам ғажаптары • Бүгін, 08:10

Манасты қазақша жырлаған

Руханият • Бүгін, 08:05

Жарқыра, жұлдыз!

Өнер • Бүгін, 08:02

Аламанда алған жүлде – қомақты

Спорт • Бүгін, 08:00

Әнге айналған тағдыр

Театр • Бүгін, 07:57

Сиқырлы пошта

Ғалам ғажаптары • Бүгін, 07:55

Тарихи тамырмен табысқан сәт

Қоғам • Бүгін, 07:50

Мың баланың қуанышы

Қоғам • Бүгін, 07:45

Жаңа жыл алдындағы ғажайып

Қоғам • Бүгін, 07:40

Бүлдіршіндер шаттанған шақ

Балалар • Бүгін, 07:35

Алма мен Аяз ата

Қоғам • Бүгін, 07:30

Барлық жаңалықтар