Сынақтан кейін сый алған күн… : әнші Тамара Асар әсерлі жазба жариялады

Әнші Тамара Асар «Қазақстанның Халық әртісі» атағын алды, – деп хабарлайды Aikyn.kz.

Өнер иесі өзін құттықтап жатқан оқырмандарына алғыс білдіріп, жазба жариялады. Сонымен қатар өзін сынап жатқандарға да жауап берді. Әнші 25 жылдан бері өнерге адал қызмет етіп келе жатқанын атап өткен.

«Сынақтан кейін, сый алған күн… Алланың бұйыртқаны осылай екен.  Бергенін жақсылығымен, қайырымен берсін. Ардақты ағайын!  Мені “Қазақстанның Халық әртісі” марапатыммен құттықтап жатқан қалың ел қазағыма бас идім. Құттықтаған жандардың әрқайсысының кеудесінде осындай алтын жұлдыз жарқырасын. “Бұл қалай алды,не үшін алды?”деген оймен жақ пен тілге жағымсыз сөз қосқан жандар да менің сүйікті көрерменім. Оларға түсіндіре кетейін. Мен Мұрат Өскінбаев атындағы Маңғыстау облыстық филармониясында қызмет етіп келе жатқаныма 25 жыл.  Маңғыстаудың тышқан мұрны қанатқан бір мерекесінен қалып көрмедім. Берілетін мемелекеттік айлыққа қанағат етіп, барлық шарасына шақырса да ,шақырмаса да өзім барып, әлі күнге қатысамын.  Жаңа костюм, жаңа репертуар барлығын бұлжытпай орындауға тырысамын. Маған туған жерім риза! Шүкір. 2023 жылы ”Халық әртісі” атағы қайта өз күшіне енгізілген сәтте-ақ Маңғыстау облысының сол кездегі әкімдігі мен мәдениет басқармасы мені бірінші ұсыныпты. Сол ұсынудың нәтижесімен біраз уақыт өткеннен кейін, міне кеше ғана көз алдарыңызда алып отырмын», - деп жазды әнші.

Сараптама, зерттеу мақала, күнделікті өзекті ақпаратты «Айқынның» TELEGRAM  арнасынан табасыз.