Танымал әнші Тамара Асар Қазақстанның халық әртісі атанды

Белгілі әнші, мәдениет саласының көрнекті өкілі Тамара Асар "Қазақстанның халық әртісі" атағына ие болды, деп хабарлайды Arasha.kz.

Тамара Асар – қазақ эстрадасының ең жарқын жұлдыздарының бірі. Ол ұлттық музыкалық дәстүрді заманауи ырғақтармен шебер үйлестіріп, тыңдарманның жүрегіне жол тапқан көптеген хит әндердің авторы әрі орындаушысы. Өнер иесі өз еңбегімен, қайсар мінезімен және өмірге деген жігерімен көпшілікке үлгі болып келеді.

Бұған дейін, 2014 жылы ол "Құрмет" орденімен, ал 2019 жылы Қазақстан Президентінің Жарлығымен "Қазақстанның еңбек сіңірген қайраткері" атағымен марапатталған болатын.

Айта кетейік, биыл "Халық әртісі" атағы музыка, театр және кино саласына елеулі үлес қосқан өнер майталмандарына табысталды. Солардың қатарында Болат Әбділманов, Меруерт Өтекешова, Айтқали Жайымов, Шынар Жанысбекова, Бақыт Ибраев, Күләш Қазақбаева және Раушан Машурова бар.