Таиландта танымал гаджетті пайдалануға шектеулер енгізілді

Таиланд туристер үшін дрон пайдалану ережелерін өзгертіп жатыр. Енді ұшу алдында құрылғыны тіркеп қана қоймай, рұқсат алу, ал кей жағдайларда арнайы оқудан өту қажет болады, - деп хабарлайды Tengri Travel The Nation мәліметіне сілтеме жасап.

Таиланд туристер үшін дрон пайдалану ережелерін өзгертіп жатыр. Енді ұшу алдында құрылғыны тіркеп қана қоймай, рұқсат алу, ал кей жағдайларда арнайы оқудан өту қажет болады, - деп хабарлайды Tengri Travel The Nation мәліметіне сілтеме жасап.

Пхукет жағажайларынан әдемі кадрлар түсіріп, Бангкок панорамасын таспаға басуды ұнататындарға енді алдын ала дайындалуға тура келеді. 2026 жылғы 17 мамырдан бастап Таиландта дрондарды пайдаланудың жаңа ережелері күшіне енеді.

Енді "естелік видео" үшін ұшу аппаратын жай ғана ұшыра салу мүмкін болмайды - билік міндетті тіркеуді, онлайн-өтінім беруді және операторлардың бір бөлігі үшін оқудан өту талабын енгізіп жатыр.

Не өзгереді?

Жаңа ережелерді Таиландтың азаматтық авиация басқармасы (CAAT) әзірлеген. Талаптарға сәйкес, әрбір дрон ресми түрде тіркелуі тиіс, ал тіркеу нөмірі құрылғының корпусына жапсырылуы керек.

Ұшу алдында оператор мына мәліметтерді көрсете отырып, онлайн-өтінім беруге міндетті:

бағыты; ұшу мақсаты; ұшыру уақыты; сақтандыру құжаттары.

"Арнайы ұшулар" деп аталатын санат үшін ерекше қатаң талаптар қойылады. Бұл санатқа мыналар жатады:

коммерциялық түсірілім; геодезиялық жұмыстар; шектеулі аймақтардағы ұшулар; қауіптілігі жоғары миссиялар.

Мұндай ұшырулар үшін авиациялық биліктің жеке келісімі мен қауіпсіздікті бағалау қорытындысы қажет болады.

Пилоттарды оқыту

Тағы бір маңызды өзгеріс - дрон операторларына арналған міндетті курстар.

"Дрон пилоттары авиациялық құқық, әуе қозғалысы ережелері, қауіпсіздік шаралары мен тәуекелдерді басқаруды қамтитын CAAT сертификатталған оқу курстарынан өтуі тиіс. Операторлардың өздері қолданатын ұшу аппаратының түрін басқаруға тиісті құқығы болуы керек", - деп жазды басылым.

Бұған дейін Тайланд билігі 2015 жылы дрон пилоттарын оқытуды енгізген болатын. Алайда ол ерікті түрде жүргізілді, ал ескі ережелер бойынша берілген лицензиялар мерзімі аяқталғанша жарамды болады.

Таиланд ережелерді неге өзгертіп жатыр?

Сарапшылар пікірінше, талаптардың қатаңдауы елдегі дрон индустриясының қарқынды дамуымен байланысты. Қазір пилотсыз аппараттарды тек туристер мен блогерлер ғана емес, сонымен қатар логистикадан бастап ауыл шаруашылығы мен цифрлық медиаға дейінгі бизнес салалары белсенді қолданады.

Таиланд билігі жаңа шектеулер технологиялық даму мен ұшу қауіпсіздігі арасындағы теңгерімді сақтау үшін қажет екенін айтады.

Google News арқылы жаңалықтарымызды қадағалаңыз

Жазылу