Талдысай ауылына интернет байланысы қосылды

Ұлытау облысы, Ұлытау ауылдық округіне қарасты Талдысай елді мекенінде Jusan Mobile компаниясының қолдауымен One Web спутниктік жүйесі орнатылып, Wi-Fi интернет желісі іске қосылды, деп хабарлайды Egemen.kz.

фото:kursiv.kz

Бұл – ауыл тұрғындары үшін аса маңызды оқиға.

Бұған дейін байланыс мүмкіндігі шектеулі болып, төтенше жағдайлар кезінде немесе жедел жәрдем шақыру қажеттілігі туындағанда ақпаратты жол үстіндегі жүргіншілер арқылы жеткізуге тура келетін. Енді жоғары жылдамдықтағы интернеттің қосылуы ауыл халқына тұрақты байланыс орнатуға мүмкіндік береді.

Ұлытау ауылдық округінің әкімі Талғат Абжаппаров тұрғындарға игі бастаманың маңыздылығын атап өтті.

Ауыл тұрғындары көрсетілген қолдау үшін және елді мекеннің цифрлық дамуына қосқан үлесі үшін Jusan Mobile компаниясына ризашылығын білдірді.

Ұлытау облысы