Танымал блогер Баян Алагөзовадан бастап, барлық әйелден кешірім сұрады

Қоғам белсендісі, блогер Жан Ахмадиев кезінде айтқан сөзі үшін өкінетінін жеткізіп, кешірім сұрады, – деп жазды Aikyn.kz.

Ол «QazaqAiran» жобасына берген сұхбатында продюсер Баян Алагөзовадан да кешірім сұрады. Сонымен қатар қазір әйелдерге деген көзқарасы өзгергенін айтты.

«Темір қатын» деген рэпімді арнайы Баян Мақсатқызына арнап шығарғанмын. Сол үшін ол маған ренішін білдірді. Ол кезде мінезім от болып тұрған жас шағым еді. Кейін ойым өзгерді. Бір кезде «әйелді аптасына бір рет ұрып тұру керек» деп те айтқаным бар. Бірақ ол – бұрыңғы Жан Ахмадиевтің сөзі. Қазір ондай ойдан толықтай бас тарттым. Мені негізі тастап кеткен, асырап алған отбасында өстім. Сондықтан іште әйелдерге деген реніш қалып қойған шығар деп айтады психологтер. Шын мәнінде, біздің қоғамда әйелдің қадірі әлі толық бағаланбайды. Керісінше, еркектердің өзі әлсіреп, әйеліне қол көтеретін жағдайлар жиілеп кетті. Мені көріп отырған барлық әйелдерден кезінде айтқан ауыр сөздерім үшін шын жүректен кешірім сұраймын», – деді ол.

Ол бүгінде кішкентай қызы өсіп келе жатқанын жеткізді.

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.