Танымал сусын денсаулық пен психикаға зиян болып шықты зерттеулер

Жастар арасында танымал тапиока шарлары қосылған сусын (бабл-ти) денсаулыққа зиян тигізіп, психикалық жағдайға кері әсер етуі мүмкін деп ескертеді ғалымдар. Олардың айтуынша, маниокадан жасалған тапиока шарлары ауыр металдарды бойына сіңіріп алады, ал сусынды жиі әрі көп мөлшерде тұтыну ас қорытуды баяулатып, тіпті тамырлардың бітелу қаупін тудыруы ықтимал, деп хабарлайды Tengri Health тілшісі ScienceDaily және Nutrients басылымдарына сілтеме жасап.

Жастар арасында танымал тапиока шарлары қосылған сусын (бабл-ти) денсаулыққа зиян тигізіп, психикалық жағдайға кері әсер етуі мүмкін деп ескертеді ғалымдар. Олардың айтуынша, маниокадан жасалған тапиока шарлары ауыр металдарды бойына сіңіріп алады, ал сусынды жиі әрі көп мөлшерде тұтыну ас қорытуды баяулатып, тіпті тамырлардың бітелу қаупін тудыруы ықтимал, деп хабарлайды Tengri Health тілшісі ScienceDaily және Nutrients басылымдарына сілтеме жасап.

Қытайлық зерттеушілер бабл-тиді тұрақты ішу мен психикалық денсаулықтың нашарлауы арасында байланыс болуы мүмкін екенін де атап өтті.

1980-жылдардан бері әлемдік хитке айналған қара шай, сүт, қант және тапиока шарларынан тұратын сәнді сусынның денсаулыққа қатысты тәуекелдері бар екені жаңа зерттеулерде көрсетілді.

Ауыр металдар

Consumer Reports АҚШ-та бабл-ти дайындауға арналған бірқатар өнімнен қорғасынның жоғары мөлшерін анықтады.

Анықтама: Тапиока шарлары маниока крахмалынан жасалады; бұл тамыржеміс топырақтағы қорғасын мен басқа да ауыр металдарды тез жинайды.

Ас қорыту және бүйрек

Крахмалды "маржандар" асқазанның босауын баяулатып (гастропарез), сирек жағдайларда ішек түйілуін тудыруы мүмкін. Сондай-ақ жүрек айну, құсу, іштің ауруы байқалуы ықтимал; ас қорытуы баяу адамдарда бұл қауіп жоғарырақ. Қоюлатқыш ретінде қолданылатын гуар шайырын жиі тұтыну іш қатуға әкеп соғуы мүмкін.

Сусын компоненттері (соның ішінде оксалаттар мен фосфаттың жоғары мөлшері) бүйректе тас пайда болуына әсер етеді. 2023 жылы Тайвань дәрігерлері судың орнына бабл-ти ішкен 20 жастағы әйелдің бүйрегінен 300-ден астам тас алып тастаған; бұл оқиға өте сирек кездесетін жағдай болып саналады.

Тұншығу қаупі

"Маржандар" балалар мен ересектер үшін тұншығу қаупін тудырады. Сингапур БАҚ-тары жартылай бітелген түтікшені қатты сорған кезде тамағына үш шар тұрып қалған 19 жастағы бойжеткеннің қаза болғанын хабарлаған.

Қант және ұзақ мерзімді қауіптер

Әдетте бір порцияда 20–50 грамм қант болады - бұл Coca-Cola құтысындағы мөлшермен бірдей немесе одан да көп. Калифорнияда бұл сусын жастар арасындағы семіздік індетіне себепші факторлардың бірі ретінде қарастырылады.

Психикалық денсаулық

Алайда ең таңғалдыратын жаңалық - бабл-тиді жиі тұтынудың психикаға әсері. Қытайдағы зерттеулер бұл сусынды балалар мен жасөспірімдердің жиі ішуін мазасыздық пен депрессияның артуымен байланыстырады. Ересектерде жүйелі түрде тұтыну мазасыздық, депрессия, шаршау, эмоционалдық сарқылу және әл-ауқаттың төмендеуімен сәйкес келген; ал оны тұтынуды азайту суицидтік ойлардың азаюымен байланысты болды. Дегенмен, тікелей себеп-салдарлық байланыс әлі нақты дәлелденген жоқ.

Сарапшылар сусынға толық тыйым салудың қажеті жоқ екенін, бірақ бабл-тиді сирек берілетін десерт ретінде қабылдаған дұрыс екенін айтады. Оны түтікшесіз - тікелей стақаннан ішу ұсынылады.

Google News арқылы жаңалықтарымызды қадағалаңыз

Жазылу

сусын

бабл ти

Зерттеу

Денсаулық