Таразда жаңа жыл түні 100 адам үйінен эвакуацияланды

АСТАНА, 1 қаңтар – Sputnik. Тараз қаласында өрт шықты, деп хабарлайды Төтенше жағдайлар министрлігінің баспасөз қызметі.

31 желтоқсан күні сағат 22:18-де бес қабатты тұрғын үйдің бесінші қабатындағы балконда өрт шығып, кейін өрт ғимараттың бүкіл шатыр аумағына таралған.

© Photo : Пресс-служба МЧС КазахстанаТаразда тұрғын үйден өрт шықты

Таразда тұрғын үйден өрт шықты

© Photo : Пресс-служба МЧС Казахстана

Өрт сөндіру бөлімшелері келген сәтте шатырдың толық жанып жатқаны белгілі болған.

"Жамбыл облысының ТЖД күштері 100 адам, оның ішінде 30 баланы эвакуациялады. Тұрғындар үшін алдымен арнайы автокөлік базасында, кейін жақын маңда орналасқан мектеп ғимаратында жылыту пункті ұйымдастырылды", - деп жазылған хабарламада.

Өрт 00:13-те толық сөндірілді, алдын ала мәлімет бойынша жалын 900 шаршы метр аумаққа шарпыған. Өртті сөндіруге 62 адам және 22 бірлік техника жұмылдырылды.

© Photo : Пресс-служба МЧС КазахстанаТаразда тұрғын үйден өрт шықты

Таразда тұрғын үйден өрт шықты

© Photo : Пресс-служба МЧС Казахстана

Зардап шеккендер жоқ. Өрттің шығу себебі анықталып жатыр.