Теміртау тұрғыны көшеде жалаңаш жүрген

АСТАНА, 8 мамыр – Sputnik. Теміртауда жалаңаш жүрген әйел анықталды, деп хабарлайды Қарағанды облысының полиция департаменті.

Теміртау қаласының полициясына 8 мамырда Республика даңғылындағы қоғамдық орында жалаңаш жүрген әйел туралы хабарлама түскен.

"Патрульдік полиция қызметкерлері қаланың 27 жастағы тұрғынын анықтап, полиция бөліміне жеткізді. Медициналық куәландыру нәтижелері бойынша әйелдің есірткі заттарын тұтынғаны анықталды", - дейді полицияда.

Әйелге қатысты әкімшілік іс қозғалды.

Енді жалаңаш әйелдің мәселесі сотта қаралады.