Теңге күрт нығайды: KASE де доллар бағамы 451 теңгеден төмен түсті

Коллаж: ЖИ
10 қыркүйектегі күндізгі сауда қорытындысында Қазақстан қор биржасында (KASE) доллар бағамы айтарлықтай төмендеді. АҚШ валютасының орташа сараланған бағамы 450,79 теңгені құрады.
Бір сауда сессиясының ішінде доллар бірден 5,82 теңгеге арзандады. Салыстыру үшін, 9 қыркүйекте АҚШ валютасының орташа сараланған бағамы 456,89 теңге болып, бір күнде 2,5 теңгеге қымбаттаған еді. Осылайша, бір күн бұрын әлсіреген теңге қайтадан айтарлықтай нығайды.
Ұлттық банктің 10 қыркүйекке белгілеген ресми бағамы — бір доллар үшін 456,89 теңге.
Валюта нарығындағы өзгеріс айырбастау пункттеріндегі бағамға да әсер етті.
Kurs.kz мәліметінше, сағат 16:00-дегі жағдай бойынша Алматыда долларды орта есеппен 448,52 теңгеден сатып алып, 451,33 теңгеден сатып жатыр. Еуроны сатып алу бағамы — 521,61 теңге, сату бағамы — 527,18 теңге. Ресей рублі 5,15–5,27 теңге аралығында саудалануда.
Астанада долларды орта есеппен 447 теңгеден сатып алып, 454,03 теңгеден сатады. Еуроны сатып алу бағамы — 519,03 теңге, сату бағамы — 529,03 теңге. Ресей рублін 5,21 теңгеден сатып алып, 5,42 теңгеден сатып жатыр.
Шымкентте долларды сатып алудың орташа бағамы 448,98 теңге, сату бағамы 451,13 теңгені құрады. Еуро 522,59–528,89 теңге, ал рубль 5,16–5,24 теңге аралығында саудалануда.
Осылайша, бір күннің ішінде доллардың биржалық бағамы 450 теңге шамасына қайта түсті. Ал қыркүйек айының басында АҚШ валютасы бұдан қымбат болған. 1 қыркүйекте доллардың ресми бағамы 462,31 теңгені құраған еді.
Ай басынан бері жекелеген әлсіреу кезеңдеріне қарамастан, теңге АҚШ долларына қатысты позициясын нығайтты.