Теңге күшейіп келеді: депозиттердің 82% ы ұлттық валютада

Қазақстан азаматтары жинақтарын теңгеге аударуды жалғастырып жатыр — 2025 жылдың қыркүйегіндегі дерек бойынша, бөлшек депозиттердің 82%-ы ұлттық валютада. Бір жыл бұрын бұл көрсеткіш 80,4%, бес жыл бұрын — 55,4%, ал он жыл бұрын тек 19,5% болған, деп хабарлайды finprom.kz.

Бөлшек депозиттердің жалпы көлемі (мерзімді, шартты және жинақ депозиттері, шетелдіктердің есепшоттары есепке алынбай) 21,6 трлн теңгеге дейін өсті (+19,9%). Оның ішінде теңгедегі депозиттер 17,7 трлн теңгеге (+22,4%), валютадағы депозиттер 3,9 трлн теңгеге (+9,5%) жетті.

Қалалар бойынша депозиттер көлемі:

Алматы — 9 трлн теңге (42%)

Астана — 2,7 трлн теңге (12,5%)

Қарағанды облысы — 1,2 трлн теңге

Шымкент — 897 млрд теңге

Қостанай облысы — 894,3 млрд теңге

Депозиттер жылдам өсіп келе жатқан өңірлер:

Түркістан облысы — +38,1%

Астана — +29,6%

Жетісу облысы — +28,8%

Теңгедегі депозиттердің ең жоғары үлесі:

Түркістан облысы — 97,1%

Алматы облысы — 94,4%

Солтүстік Қазақстан облысы — 93,6%

Ал Алматы мен Астанада теңгедегі үлес салыстырмалы түрде төмен: сәйкесінше 74,2% және 79,1%. Жалғыз өңірде үлес азайды — Батыс Қазақстанда (87,3%-дан 86,4%-ға).

Дедолларизация үрдісі жалғасуда: депозиттерге жоғары сыйақы ставкалары мен тұрақты өсім әсер етіп, халық ұлттық валютаны белсенді таңдайды.

Бүгін, 18:24