Тері мен жүн өңдеу: елде 9,9 млрд теңгенің инвестициялық жобалары жүзеге асады

Үкімет отырысында Ауыл шаруашылығы министрлігі басшысы Айдарбек Сапаров елде тері мен жүн өңдеу бағытында 8 инвестициялық жоба жүзеге асырылып жатқанын хабарлады.

Министрдің айтуынша, саланың өндірістік қуаттары кезең-кезеңімен жаңғыртылуда. 2025 жылы бірқатар ірі нысан пайдалануға берілген. Атап айтқанда, Ақтөбе қаласында Kazfeltek компаниясының жылына 2,2 мың тонна жүн өңдейтін жобасы, ал Ақмола облысында Agro Protein кәсіпорны іске қосылды.

Қазір жалпы құны 9,9 млрд теңге болатын жобалар аясында қосымша 1,3 млн тонна өңдеу қуатын енгізу жоспарланған. Олардың қатарында Taraz Gelatin, ECO Club, Iskefe Holding және KazGelatin бар.

Бұл бастамалар тағамдық желатин мен жемдік қоспалар өндірісін ұлғайтып, шикізат шығынын азайтуға мүмкіндік береді.