Тоқаевқа Токио қаласының Smart city тұжырымдамасы таныстырылды

АСТАНА, 19 желтоқсан - Sputnik. Қасым-Жомарт Тоқаев Токио губернаторы Юрико Коикэмен кездесу өткізді.

Олар Smart city технологияларын және қаланы орнықты дамыту, жасанды интеллект, шаһарды басқару ісіне инновациялық шешімдерді енгізу салаларындағы ынтымақтастық мәселелерін талқылады.

Сонымен қатар мегаполистердің тұрғындары мен қонақтары үшін анағұрлым жайлы, экологиялық тұрғыдан таза, қауіпсіз және инклюзивті орта қалыптастыру жайын қарастырды.

"Мемлекет басшысы қаланы басқару ісіне жасанды интеллектіні енгізу бойынша екі ел астаналары арасындағы ынтымақтастықтың әлеуеті зор екеніне тоқталды. Кездесуде Тоқаевқа Токио қаласының Smart city тұжырымдамасы таныстырылды", - деп жазды Ақорда.

Бұл жоба халықтың тұрмыс сапасын жақсартып, шаһарды басқару тиімділігін арттырумен қатар орнықты даму үшін озық технологияларды пайдалануды көздейді.

© Photo : АкордаКездесуде Қазақстан мен Жапония астаналары арасындағы өзара түсіністік туралы меморандумға қол қойылды

Кездесуде Қазақстан мен Жапония астаналары арасындағы өзара түсіністік туралы меморандумға қол қойылды

© Photo : Акорда

Президенттің қатысуымен Астана қаласының әкімі Жеңіс Қасымбек пен Токио губернаторы Юрико Коикэ Қазақстан және Жапония астаналары арасындағы өзара түсіністік туралы меморандумға қол қойды.