Трамп: АҚШ бірнеше апта ішінде Ираннан шығады

АҚШ президенті Дональд Трамп сәрсенбі күні Ақ үйде журналистерге АҚШ-тың Ирандағы мақсаттарына қол жеткізгенін және елден екі-үш апта ішінде шығуды жоспарлап отырғанын мәлімдеді, деп хабарлайды INTERFAX.

«Мен айтар едім, екі аптада... мүмкін үш аптада», – деді ол.

Трамптың айтуынша, осы уақыт аралығында Вашингтон мен Тегеран келісімге келуі мүмкін.

«Мүмкін біз келісімге қол жеткіземіз, өйткені олар келісім жасағысы келеді... Бірақ қысқа уақыт ішінде біз аяқтаймыз», – деп атап өтті ол.

Президенттің сөзінше, АҚШ-тың басты мақсаты – Иранның ядролық қаруға ие болмауын қамтамасыз ету.

«Бұл мақсатқа қол жеткізілді. Оларда ядролық қару болмайды», – деді Трамп.

Сонымен қатар ол Ормуз бұғазындағы кеме қатынасы мәселесін басқа мемлекеттердің өздері шешуі тиіс екенін айтты. «Бұл бізге қатысы жоқ. Бізде бұған себеп жоқ», – деді АҚШ президенті.

Бүгін, 13:43